Қазақстандық биатлоншылар Швециядағы Әлем кубогының алғашқы жарыстарында бақ сынады

Швецияның Эстерсунд қаласында биатлоннан Әлем кубогының бірінші кезеңі өтіп жатыр. Бағдарлама бойынша өткен төрт эстафетаға Қазақстан құрамасының спортшылары қатысты.

Ерлер эстафетасы:
Әсет Дүйсенов, Кирилл Бауэр, Владислав Киреев және Вадим Куралес 14-орын алды.

Әйелдер эстафетасы:
Ольга Полторанина, Милана Генева, Айша Ракишева және Полина Егорова 21-орынға тұрақтады.

Аралас жекелей эстафета:
Владислав Киреев пен Милана Генева 15-нәтиже көрсетті.

Аралас командалық эстафета:
Кирилл Бауэр, Әсет Дүйсенов, Полина Егорова және Айша Ракишева 23-орынға ие болды.

Айта кетейік, кезең аясында алда жекелей сын, спринт және із кесу жарыстары өтеді.