Қазақстандық теннисші Елена Рыбакина Нью-Йоркте өткен US Open-2026 турнирінің жеңімпазы атанды.
Финалда Рыбакина Беларусь өкілі Арина Соболенкоға қарсы ойнады. Үш сетке созылған кездесуде қазақстандық теннисші 6:4, 5:7, 6:2 есебімен жеңіске жетті.
Бұл Рыбакинаның мансабындағы үшінші «Үлкен дулыға» титулы. Ол бұған дейін 2022 жылы «Уимблдонда», ал 2026 жылы Australian Open турнирінде топ жарған еді. US Open додасында қазақстандық теннисші алғаш рет чемпион атанып отыр.
Рыбакина биылғы маусымда екінші «Үлкен дулыға» турнирін жеңіспен аяқтады. Australian Open-2026 финалында да ол Арина Соболенконы жеңген болатын.
US Open қорытындысы бойынша Елена Рыбакина мансабында алғаш рет WTA әлемдік рейтингінің бірінші сатысына көтеріледі. Осылайша ол әйелдер арасындағы жекелей сында әлем рейтингін басқарған алғашқы қазақстандық теннисші атанды.
