Қазақстандық алты биатлоншы Әлем кубогының соңғы кезеңіне қатысады

Норвегияның Осло қаласында биатлоннан Әлем кубогының маусымдағы соңғы кезеңі өтеді.

Аталған жарысқа Қазақстан құрамасы да қатысады. Ел намысын алты спортшы қорғайды: Владислав Киреев, Әсет Дүйсенов, Александр Мухин, Милана Генева, Айша Ракишева және Лаура Киныбаева.

Ослодағы кезең 19–22 наурыз аралығында өтеді. Алғашқы жарыс – әйелдер арасындағы спринт. Ол Астана уақытымен 20:15-те басталады.