Биатлон: Қазақстан әйелдер құрамасы Контиолахтидегі эстафетада 19-орын алды

Финляндияның Контиолахти қаласында биатлоннан Әлем кубогының кезекті кезеңі аяқталды.

Жарыстың соңғы күні әйелдер арасында 4×6 шақырымдық эстафета өтті. Қазақстан құрамасы бұл сында Дарья Климина, Милана Генева, Айша Ракишева және Лаура Киныбаева құрамымен жарысқа қатысты.

Нәтижесінде қазақстандық биатлоншылар эстафетаны 19-орынмен аяқтады.

Эстафетада алтын медальді Швеция құрамасы жеңіп алды. Франция екінші орынға ие болса, Норвегия үздік үштікті түйіндеді.

Айта кетейік, биатлоннан Әлем кубогының келесі кезеңі Эстонияның Отепя қаласында өтеді.