Фристайл-акробатикадан Канададағы Әлем кубогы кезеңіне қатысатын ұлттық құраманың тізімі жарияланды

Қазақстан құрамасы фристайл-акробатикадан Канаданың Лак-Бопор қаласында өтетін Әлем кубогының кезеңіне қатысады. Халықаралық жарыс 6–7 қаңтар аралығында ұйымдастырылады.

Аталған Әлем кубогы кезеңінде ел намысын келесі спортшылар қорғайды:

• Шерзод Хаширбаев

• Асылхан Асан

• Ұланбәкір Өмірзақов

• Дінмұхамед Райымқұлов

• Роман Иванов

• Аяна Жолдас

Лак-Бопордағы кезең фристайл-акробатикадан маусымның маңызды жарыстарының бірі саналады. Әлемнің үздік спортшылары қатысатын бәсекеде рейтингтік ұпайлар сарапқа салынып, алдағы басты халықаралық старттар алдындағы спортшылардың дайындығы сыналады.