Парахоккей: Астанада өтетін әлем чемпионатының ойын кестесі белгілі болды

6-11 қыркүйек аралығында Астана қаласында парахоккейден В дивизионы бойынша әлем чемпионаты өтеді. Бұл туралы Қазақстан хоккей федерациясы ресми түрде мәлімдеді.

Чемпионатқа Қазақстанмен бірге Швеция, Жапония, Италия, Франция және Финляндия құрамалары қатысады. Аталған дода — 2026 жылы Миланда өтетін XIV қысқы Паралимпиада ойындарына іріктеу турнирі мәртебесіне ие. Чемпионат барысында паралимпиадаға берілетін екі жолдама сарапқа салынады.

Барлық ойындар Астанадағы «Тарлан Арена» спорт кешенінде өтеді. Қазақстан құрамасының қатысуымен өтетін барлық матчтар Qazsport телеарнасынан тікелей эфирде көрсетіледі.

Қазақстан құрамасының ойын күнтізбесі:

• 6 қыркүйек, 19:00 — Швеция – Қазақстан
• 7 қыркүйек, 19:00 — Жапония – Қазақстан
• 8 қыркүйек, 19:00 — Италия – Қазақстан
• 9 қыркүйек, 19:00 — Қазақстан – Франция
• 11 қыркүйек, 19:00 — Қазақстан – Финляндия