Шайбалы хоккейден Қазақстан кубогы Өскеменде өтіп жатыр

Өскемендегі Б. Александров атындағы спорт сарайында шайбалы хоккейден Қазақстан кубогы басталды. Мұз аренасында сегіз команда жарыс жолына шығып, жартылай финал мен финал жолдамасына таласып жатыр.

22 тамыз күні жергілікті «Торпедо» командасы турнирді «Актөбеге» қарсы матчпен ашты. Кездесу 4:2 есебімен өскемендіктердің пайдасына аяқталды. Шайбаларды Владимир Боровков, Никита Колобов, Дмитрий Гренц және Эрик Алдабергенов соқты.

«Торпедоның» келесі ойыны 25 тамыз күні «Алматы» командасына қарсы өтеді. Басталуы — 19:00-де. Барлық матчтарға кіру тегін.

Сонымен қатар турнирдің екінші кезеңі Қарағандыда өтіп жатыр. Онда «Сарыарқа» (Қарағанды), «Бейбарыс» (Атырау), «Арлан» (Көкшетау) және «Горняк» (Рудный) командалары күш сынасуда. Топтық кезең қорытындысы бойынша үздік екі команда жартылай финалға жолдама алады. Жартылай финал 28 тамызда, ал шешуші финалдық матч 29 тамызда өтеді.