Кира Данилова Азия чемпионатында алтын медаль иеленді

Қазақстандық ауыр атлет Кира Данилова Астанада өтіп жатқан жасөспірімдер мен жастар арасындағы Азия чемпионатында топ жарды.

Жарыстың кезекті күнінде 69 келіге дейінгі салмақта сынға түскен Кира Данилова қоссайыста 198 (87+111) келіні еңсеріп, алтын медаль жеңіп алды.

Осы салмақта ел намысын қорғаған тағы бір отандасымыз Софья Шальгина 175 (82+93) келі нәтижемен қола жүлдеге қол жеткізді.

Күміс медаль өзбекстандық Динура Холдороваға бұйырды – оның көрсеткіші 186 (81+105) келі.

Еске сала кетейік, Астана қаласында өтіп жатқан Азия чемпионатына ондаған елдің спортшылары қатысып жатыр. Қазақстан құрамасы жарыстың алғашқы күндерінен-ақ жүлделі орындарға табан тіреді.