Қазақстан құрамасы нысана көздеуден әлем чемпионатында қола жүлде иеленді

Каирде (Мысыр) өтіп жатқан нысана көздеуден әлем чемпионатында Қазақстан әйелдер құрамасы қола медаль жеңіп алды.

Александра Ле, Арина Малиновская және Елизавета Безрукова 50 метрге үш қалыпта ату бағдарламасында үшінші орынға табан тіреді.

Жарыстың жеңімпазы — Қытай құрамасы, ал күміс жүлдені Швейцария спортшылары иеленді.

Әлем чемпионаты 18 қарашаға дейін жалғасады.