Қазақстандық балуан Зейнеп Баянова Астанада өтіп жатқан әйелдер күресінен әлем чемпионатының қола жүлдегері атанды.
50 келіге дейінгі салмақ дәрежесінде өнер көрсеткен отандасымыз үшінші орын үшін өткен белдесуде Беларусь өкілі Наталья Варакинамен кездесті.
Шешуші белдесуде Зейнеп Баянова қарсыласынан 6:1 есебімен басым түсіп, әлем чемпионатының қола медалін иеленді.
Айта кетейік, қазақстандық балуан бұған дейін де халықаралық ірі жарыста жүлдеге қол жеткізген. Ол Жапонияда өткен 2026 жылғы Азия ойындарында үшінші орын алған болатын.
Осылайша, Зейнеп Баянова бір жыл ішінде Азия ойындары мен әлем чемпионатында қола жүлдегер атанды.
