АҚШ-тың Ист-Ратерфорд қаласындағы «MetLife Stadium» стадионында өткен клубтар арасындағы әлем чемпионаты-2025 финалында лондондық «Челси» күтпеген жеңіске жетті. Ағылшын командасы Францияның ПСЖ клубын 3:0 есебімен ойсырата ұтты.
Кездесу барысында «Челси» сапынан Коул Палмер дубль авторы атанды (22 және 30 минуттарда), ал 43-минутта Жоау Педро тағы бір гол соғып, есепті түйіндеді.
Айта кетейік, ПСЖ бұл ойынға айқын фаворит ретінде шыққан еді. Франциялық клуб — қазіргі уақытта Чемпиондар лигасының жеңімпазы. Алайда шешуші кездесуде ағылшындық ұжым толық үстемдік танытып, сенсациялық нәтижеге қол жеткізді.
Осылайша, «Челси» клубтар арасындағы әлем чемпионы атанып, тарихи жетістікке қол жеткізді.
