Әлихан Әскербай – ауыр атлетикадан қос рекорд жаңартып, Азия чемпионы атанды

Астанада өтіп жатқан жасөспірімдер мен жастар арасындағы ауыр атлетикадан Азия чемпионатында қазақстандық зілтемірші Әлихан Әскербай жарқын жеңіске жетті.

Ол 310 келіні (141+169) көтеріп, қоссайыстың нәтижесі бойынша жасөспірімдер арасында Азия чемпионы атанды. Сонымен қатар Әлихан үш Азия және үш әлем рекордын жаңартты.

Жастар санатында да ол сәтті өнер көрсетіп, қола медаль жеңіп алды.

Қазақстан құрамасының қоржынына бұған дейін тағы бірнеше жүлде түсті:

Ксения Прозорова (U17) – алтын және жастар арасында күміс;
Снежана Кашкарова – 48 келіге дейін жұлқа көтеруде қола, серпе көтеруде 82 келі көрсеткішімен жақсы нәтиже тіркеді.

Қазақстандық жас ауыр атлеттер жарысты табысты жалғастыруда.