Спорт Министрі | Қазақстандық төрешілер Еурокубок ойындарына тағайындалды
ТРЕНДТЕФУТБОЛ

Қазақстандық төрешілер Еурокубок ойындарына тағайындалды

Қазақстандық төрешілер бригадалары UEFA Конференция лигасы мен Чемпиондар лигасының іріктеу кезеңіндегі бірнеше маңызды матчқа қызмет көрсету үшін тағайындалды.

Конференция лигасы аясында:

24 шілде күні Болгарияның Кырджали қаласында өтетін «Арда» мен НСИ Рунавик / ХИК Хельсинки жұбының жеңімпазы арасындағы ойында Болат Сариев бас төреші болады. Оған Денис Лабашов пен Сергей Васютин көмек көрсетеді. Қосалқы төреші — Арман Исмұратов.

31 шілдеде Румынияда өтетін «Университатя Крайова» мен «Сараево» арасындағы кездесуде Данияр Сахи бас төреші болады. Оған көмекшілер ретінде Самат Тергеусізов пен Евгений Бельский, ал төртінші төреші ретінде Георгий Чеховский қызмет атқарады.

Чемпиондар лигасы аясында:

15 шілдеде Скопьеде (Солтүстік Македония) өтетін «Шкендия» мен Уэльстің TNS клубы арасындағы матчта Саят Қарабаев бас төреші ретінде тағайындалды. Онымен бірге Юрий Тихонюк, Дмитрий Белоградов және Арман Исмұратов төрелік етеді.

Бұл – қазақстандық төрешілердің халықаралық аренадағы кәсіби деңгейінің тағы бір дәлелі.

Басқа жаңалықтар

Back to top button