Жібек Құламбаева Сербиядағы турнирдің жартылай финалына шықты

Қазақстандық теннисші Жібек Құламбаева Курсумлийска Баня (Сербия) қаласында өтіп жатқан ITF W15 сериясындағы турнирдің жартылай финалына жолдама алды, деп хабарлайды SportM.kz.

Әлемнің 306-ракеткасы саналатын Құламбаева бұл жарысқа бірінші нөмірмен тіркелген. Ол ширек финалда босниялық Суана Тукаковичпен кездесіп, қарсыласын 6:0, 6:3 есебімен айқын басымдықпен жеңді. Ойын небәрі 1 сағат 5 минутқа созылды.

Финал жолдамасы үшін Жібек ресейлік Милана Жабраиловамен кездеседі. Жабраилова өз кезегінде ширек финалда словакиялық Стелла Ковачикованы 5:7, 6:4, 6:2 есебімен жеңіп шықты. Бұл матч үш сағатқа жуық уақытқа жалғасқан.

Құламбаеваның финалға шығу мүмкіндігі зор. Жеңіс жолы әрі қарай жалғасады деп сенеміз.