Спорт Министрі | Ролан Гаррос: Бублик сенсация жасап, алғаш рет үшінші айналымға өтті
ТЕННИСТРЕНДТЕ

Ролан Гаррос: Бублик сенсация жасап, алғаш рет үшінші айналымға өтті

Қазақстанның үздік теннисшісі Александр Бублик Париждегі Ролан Гаррос турнирінде тарихи жетістікке жетті – ол алғаш рет жарыстың үшінші айналымына шықты, деп хабарлайды SportM.kz.

Әлемнің 62-ракеткасы атанған Бублик екінші кезеңде 9-нөмірлі аустралиялық Алекс де Минаурмен шеберлік байқасты. Бастапқы екі сетте қарсыласы айқын басымдық көрсеткенімен (6:2, 6:2), Александр керемет камбэк жасады.

Келесі үш сет нәтижесі:

  • 6:4 – Бубликтің алғашқы серпіні
  • 6:3 – сенімді ойынмен есепті теңестірді
  • 6:2 – шешуші сәтте жеңісті жұлып әкетті

Жалпы, екі сағат 52 минутқа созылған матчта Бублик:

  • 12 эйс жасады
  • 14 брейк-пойнттың 6-ын жүзеге асырды

Аустралиялық теннисші Алекс де Минаур 4 эйс жасап, 6 брейкке қол жеткізді, бірақ шешуші сәттерде Бубликке жол берді.

Енді Александр Бублик төртінші айналым жолдамасы үшін чехиялық Якуб Меншик (әлемнің 19-ракеткасы) немесе португалиялық Энрике Рошамен (200-саты) кездеседі.

Басқа жаңалықтар

Back to top button