Теннистен Қазақстан құрамасының көшбасшысы Елена Рыбакина Францияның Страсбург қаласында өтіп жатқан беделді турнирдің ширек финалында жеңіске жетті, деп хабарлайды SportM.kz.
Қазақстандық спортшы Польша өкілі Магда Линеттен 7:5, 6:3 есебімен басым түсті.
Кездесу барысында Рыбакина сенімді ойын өрнегін көрсетті. Қарсыласына қарағанда ширақ қимылдап, шешуші сәттерде басым түсе білді.
Жартылай финалда ол Эмма Наварро (АҚШ) мен Беатрис Хаддад Майя (Бразилия) арасындағы матч жеңімпазымен кездеседі.
