Қазақстан шаңғымен тұғырдан секіруден Франциядағы жазғы Гран-при кезеңінде өнер көрсетті

Қазақстан құрамасы Францияның Куршевель қаласында өткен шаңғымен тұғырдан секіруден жазғы Гран-при кезеңінде бақ сынады.

Жарыстың алғашқы күнінде Илья Мизерных 12-орынға тұрақтаса, Данил Васильев 13-нәтиже көрсетті.

Екінші жарыс күнінде финалдық кезеңге Қазақстан құрамасынан тек Илья Мизерных жолдама алды. Ол жарысты 16-орынмен аяқтады.

Айта кетейік, бұған дейін Польшаның Висла қаласында өткен жазғы Гран-при кезеңінде Данил Васильев жоғары нәтиже көрсетіп, екі жарыста да үздік бестікке енген болатын. Қазақстандық спортшы алғашқы сайыста төртінші, ал екінші жарыста бесінші орын иеленген еді.