Біріккен Араб Әмірліктерінің Фуджейра қаласында семсерлесуден (рапира) жасөспірімдер арасындағы Әлем кубогының кезеңі мәресіне жетті. Байрақты бәсекеде Қазақстан жасөспірімдер құрамасы сәтті өнер көрсетіп, ел қоржынына екі жүлде салды.
Атап айтқанда, қыздар арасындағы сайыста София Актаева финалға дейін жетіп, күміс жүлдені иеленді. Ал ұлдар арасындағы бәсекеде Тимофей Семёнов үздік үштікті түйіндеп, қола медальға қол жеткізді.
