Қазақстанның брейкинг құрамасының көшбасшысы Амир Закиров БАӘ-нің Дубай қаласында өткен WFADS әлем чемпионатында алтын медаль жеңіп алды.
B-boy Amir ересектер арасындағы жарыста финалға дейін сүрінбей жетіп, шешуші бәсекеде АҚШ спортшысы Мигель Росарионы (b-boy Gravity) айқын басымдықпен жеңді. Қола жүлде Ресей өкілі Руслан Файзрахмановқа (b-boy Ruslan Footrockets) бұйырды.
Айта кетейік, Амир Закиров 2024 жылы Парижде өткен Олимпиада ойындарына қатысып, ширек финалға дейін жетіп, жалпы есепте сегізінші орын алған болатын.
