Қазақстан байдарка мен каноэде ескек есуден Польшадағы әлем чемпионатында тоғызыншы орын алды

Польшаның Познань қаласында байдарка мен каноэде есуден әлем чемпионаты жалғасып жатыр.

Әйелдер арасында екілік-каноэде 200 метрге жарыста Мария Бровкова мен Ульяна Киселева финалға жолдама алды.

Шешуші бәсекеде қазақстандық жұп 43,99 секунд нәтиже көрсетіп, тоғызыншы орынға тұрақтады.

Алтын медальді Беларусь өкілдері Юлия Трушкина мен Инна Неделькина 42,26 секунд нәтижесімен жеңіп алды. Өзбекстандық Шохсанам Шерзодова мен Нилуфар Зокирова 42,52 секундпен күміс жүлдеге ие болды. Қытайлық Шуай Чанвэнь мен Линь Вэньцзюнь 42,65 секунд нәтижесімен қола медаль еншіледі.