Астанада тректегі велоспорттан Қазақстан чемпионаты өтеді

27–31 шілде аралығында Астана қаласында тректегі велоспорттан Қазақстан Республикасының чемпионаты ұйымдастырылады. Ел біріншілігі «Сарыарқа» велотрегінде өтеді.

Қазақстан велоспорт федерациясының мәліметінше, бұл дода жас спортшылар үшін ұлттық құрама сапына іріктеудің маңызды кезеңі саналады. Ал тәжірибелі велошабандоздар үшін жарыс 2026 жылғы Азия ойындарына дайындық аясындағы негізгі сындардың бірі болмақ.

Чемпионат барысында елдің үздік трек велошабандоздары түрлі жарыс бағдарламалары бойынша бақ сынап, ұлттық рейтингтегі өз орындарын жақсартуға мүмкіндік алады.

Айта кетейік, Қазақстан чемпионаты 27–31 шілде аралығында елордадағы «Сарыарқа» велотрегінде өтеді. Турнир нәтижесі ұлттық құраманы жасақтауда маңызды рөл атқарады.