Қазақстандық «Семей» футзал клубы UEFA Чемпиондар лигасының негізгі кезеңіндегі алғашқы кездесуін сәтті өткізді. Бірінші турда семейліктер Чехияның «Хрудим» командасымен кездесіп, 9:5 есебімен айқын жеңіске жетті.
Қазақстандық команданың сапынан Кандидо Дос Сантос хет-трик (6, 22, 27-минуттар), Бруно Гомес дубль (10, 19), Шыңғыс Есенаманов (21), Камиль Герейханов (23), Марсело (25) және Әбдірасул Әбдуманапұлы (39) бір-бір голдан соқты. Чехиялық клуб бес доппен жауап қайырды.
«Семей» үшін бұл жеңіс Чемпиондар лигасының үшінші тобы аясындағы маңызды нәтиже болды. Команда келесі кездесулерін 30 қазанда Францияның «Этуаль» және 1 қарашада Испанияның «Пальма» клубтарына қарсы өткізеді. Барлық ойындар Испанияда «Пальма» командасының алаңында өтуде.
