Александр Шевченко Римдегі турнирді сенімді жеңіспен бастады

Қазақстандық теннисші Александр Шевченко Римде өтіп жатқан ATP Masters 1000 турнирінің іріктеу кезеңін жеңіспен бастап, финалға жолдама алды, деп хабарлайды Sportm.kz.

Әлемнің 97-ракеткасы атанған Шевченко жартылай финалда аргентиналық Хуан Пабло Фиковичпен (ATP №152) кездесіп, 6:4, 6:4 есебімен айқын басымдықпен жеңіске жетті.

Ойын 1 сағат 42 минутқа созылды. Қазақстандық теннисші матч барысында 2 эйс жасап, 10 брейк-пойнттың төртеуін сәтті пайдаланды. Қарсыласы болса 1 эйс пен 2 брейкпен шектелді (5 брейк-пойнт).

Енді Александр Шевченко іріктеу финалында әлемнің 134-ракеткасы, Мажарстан өкілі Мартон Фучовичпен кездеседі. Жеңіс болса, ол Рим мастерс турнирінің негізгі кезеңіне жолдама алады.