Спорт Министрі | US Open: Анна Данилина жұптық сында екінші айналымға жолдама алды
ТЕННИСТРЕНДТЕ

US Open: Анна Данилина жұптық сында екінші айналымға жолдама алды

Қазақстанның теннисшісі Анна Данилина АҚШ-та өтіп жатқан US Open-2025 турнирінде жұптық сында жарысты сәтті бастады.

Анна Данилина мен оның серіктесі, сербиялық Александра Крунич турнирге 9-нөмірлі дуэт ретінде тіркелген болатын. Олар алғашқы айналымда хорватиялық Антония Рузич пен нидерландылық Бибиана Схоофсқа қарсы өнер көрсетті.

Бірінші сетте Данилина – Крунич жұбы қарсыластарына еш мүмкіндік бермей, 6:1 есебімен басым түсті. Екінші партия да дәл осындай есеппен аяқталды – 6:1.

Барлығы бір сағат 3 минутқа созылған матчта қазақстандық-сербиялық жұп бір эйс жасап, 10 брейк-пойнттың бесеуін тиімді пайдаланды. Рузич пен Схоофс өз мүмкіндіктерін жүзеге асыра алмады.

Анна Данилина мен Александра Круничтің екінші айналымдағы қарсыластары кейінірек белгілі болады.

Басқа жаңалықтар

Back to top button