Қазақстандық теннисші Александр Бублик АҚШ-та өтіп жатқан беделді US Open-2025 турнирінің алғашқы айналымында хорватиялық Марин Чиличті жеңді. Кездесу 6:4, 6:1, 6:4 есебімен аяқталды.
Матч 1 сағат 51 минутқа созылды. Бублик 16 эйс жасап, төрт қос қателік жіберді. Сондай-ақ, ол қарсыласына берілген тоғыз брейк-пойнттың төртеуін тиімді пайдаланды.
Енді екінші айналымда Бублик америкалық Тристан Скулкейтпен кездеседі.
