Қазақстан Президенті Қасым-Жомарт Тоқаев Халықаралық спорттық ату федерациясының (ISSF) президенті Лучано Росси және Азия ату конфедерациясының (ASC) президенті Салман Сабах әл-Салем ас-Сабахпен кездесу өткізді.
Ресми іс-шараға сондай-ақ Қазақстан Республикасы Ұлттық Олимпиадалық комитетінің президенті Геннадий Головкин қатысты.
Мемлекет басшысы халықаралық федерациялардың атқаратын миссиясына және ұйым басшыларының аталған спорт түрін танымал етуге қосқан жеке үлесіне жоғары баға берді.
Қасым-Жомарт Тоқаев еліміздің спорттық ату түрлерін дамытуға әрдайым айрықша мән беретінін атап өтті.
