Алматыда Бекет Махмұтовты еске алуға арналған дзюдодан жасөспірімдер мен жастар арасындағы Азия кубогы өз мәресіне жетті.
Төрт күнге созылған халықаралық додада Қазақстан дзюдошылары тамаша нәтижемен көзге түсіп, жалпы командалық есепте көш бастады. Жасөспірімдер құрамасы 5 алтын, 4 күміс, 12 қола, жастар құрамасы 5 алтын, 7 күміс, 10 қола медаль жеңіп алды.
Жеңімпаздар қатарында келесі отандастарымыз бар:
- Іңкәр Құралбай (-48 кг)
- Көркем Орымбек (-70 кг)
- Ерасыл Ержанов (-66 кг)
- Ерасыл Нұртаза (-100 кг)
- Бейбарыс Сұлтан (+100 кг)
Жарысқа Қазақстанмен қатар Өзбекстан, Қырғызстан, Түркіменстан, Тәжікстан, Моңғолия, Үндістан, Ливан, АҚШ және IJF құрамаларынан 800-ден астам спортшы қатысты.
Бұл дода – жас спортшылар үшін тәжірибе жинап, рейтинг көтеруге үлкен мүмкіндік болды. Қазақстан құрамасының нәтижесі ел дзюдосының болашағы жарқын екенін тағы бір мәрте дәлелдеді.
