Бүгін Еуропада әлем чемпионатына іріктеу ойындары өтеді

Футболдан 2026 жылғы әлем чемпионатына іріктеу кезеңі аясында бүгін Еуропа құрлығында бірнеше матч өтеді, деп хабарлайды SportM.kz.

І тобында Норвегия – Италия және Эстония – Израиль құрамалары кездеседі. Алғашқы екі турда ұпай жоғалтпаған Норвегия 6 ұпаймен көш бастап тұр. Эстония мен Израильдің еншісінде – 3 ұпайдан. Молдова әзірге ұпайсыз, ал Италия бұл топтағы алғашқы ойынын бүгін өткізеді.

Қазақстан құрамасы бақ сынап жатқан J тобында бұл жолы біздің футболшылар жасыл алаңға шықпайды. Бүгін топтағы Уэльс – Лихтенштейн және Солтүстік Македония – Бельгия кездесулері өтеді.

Қазіргі турнир кестесінде Солтүстік Македония мен Уэльс 4 ұпаймен көш бастап тұр. Қазақстан құрамасының еншісінде – 3 ұпай. Лихтенштейн ұпай жинай алмай келеді, ал Бельгия алғаш ойынын бүгін өткізеді.

Сондай-ақ, L тобында да екі матч жоспарланған: Гибралтар – Хорватия және Чехия – Черногория.