Азия чемпионаты: Қазақстандық гимнастар финалға бес жолдама алды

Оңтүстік Кореяның Чечхон қаласында өтіп жатқан ерлер арасындағы спорттық гимнастикадан Азия чемпионатында Қазақстан құрамасы сәтті бастады, деп хабарлайды SportM.kz.

Бірінші жарыс күні қорытындысы бойынша қазақстандық гимнастар бес финалға жолдама иеленді.

Милад Карими еркін жаттығу мен кермеде өнер көрсетуде финалға өтті. Нариман Курбанов ат снаряды бойынша финалда бақ сынайды.

Сондай-ақ Дмитрий Патанин еркін жаттығуларда, ал Ілияс Әзізов ат снаряды жаттығуында финалға жолдама алды.

Қазақстандық спортшылар жүлде үшін тартысты бәсекеге дайын. Азия чемпионаты алдағы күндері жалғасады.