Тайланд астана Бангконкта дзюдодан ерлер және әйелдер арасында Азия чемпионаты өтіп жатыр, деп хабарлайды sportm.kz.
Жарыстың алғашқы күнінде Қазақстан құрамасының төрт бірдей спортшысы қола жүлде үшін күресуге мүмкіндік алды.
Әйелдер арасында 48 келі салмақта бақ сынаған Ғалия Тынбаева қола медаль олжалады. Қола медаль үшін тайпейлік Чен Хао Линнен айласын асырды. Тынбаеваның бұл Азия чемпионатында алған екінші жүлдесі. Бұған дейін ол 2024 жылы Гонконгта қола медаль алған.
