Ұлттық құрама бірінші себетте болады
Ұлттар лигасы 2026/27 жылғы маусымының С дивизионы бойынша жеребесінде Қазақстан құрамасы (футболдан Ұлттық құрама) бірінші себетте болады, деп хабарлайды sportm.kz.
1-себет: Исландия, Черногория, Албания, Қазақстан;
2-себет: Финляндия, Словакия, Болгария, Армения;
3-себет: Беларусь, Фарер аралдары, Кипр, Эстония;
4-себет: Латвия/Гибралтар, Люксембург/Мальта, Молдова, Сан-Марино.
Жеребе тарту рәсімі 2026 жылы өтеді, бірақ әзірге нақты уақыты белгісіз.
Қазақстан құрамасы осы маусымда Ұлттар лигасында В тобында өнер көрсеткен болатын. Топтағы алты матчта бір ұпай ғана жинап, С тобына түсіп қалды.
УЕФА Ұлттар Лигасы (ағыл. UEFA Nations League) — УЕФА аясындағы ең жаңа турнир. 2018 жылы қыркүйекте басталды.
Жаңа турнирдің мақсаты – көптеген достастық матчтарды ресми ойындарға ауыстыру арқылы футболдың құрамалар деңгейінде дамуына септігін тигізу. Сонымен қатар, деңгейі тең ұлттық құрамаларға бір-бірімен ойнауға мүмкіндік беру.
Лига командалардың классын жоғарылату және төмендету қағидасын ұстанады. Алғашқы жарыста 55 қатысушы УЕФА ұлттық құрамаларының 2017 жылдың 11 қазан күнгі рейтингісі бойынша әртүрлі лигаларға бөлнеді. А лигасына ең үздік құрамалар түседі, ал D лигасында рейтингісі төмен командалар ойнйды.
Әр төрт лига үш-төрт командадан құралған төрт топқа бөлнеді. 2018 жылдың қыркүйек пен қараша айлары аралығында қатысушылар бір-бірімен өз және сырт алаңда ойнады. Осылайша, командалар халықаралық футбол күнтізбесіне сай төрт немесе алты матч өткізді.
Топ жеңімпаздарының классы жоғарылайды, ал соңғы орын алғандары келесі жарысты төменгі лигадан бастайды.
