Футболдан ұлттық құрама жігіттері наурыздың 22-нен 23-не қараған түні әлем чемпионатының іріктеу кезеңі аясында Уэльспен кездеседі, деп хабарлайды sportm.kz.
Ал үш күннен кейін Лихтенштейнге қонаққа барады. Ұлттық құрама Уэльс астанасына жетті. Енді жоспар бойынша ойын алды баспасөз мәслихаты мен жаттығу өтеді.
Айта кетелік, Қазақстан — Уэльс матчында литвалық төрешілер қызмет етеді. Бас төреші — Донатас Румшас, ол 2022 жылғы әлем чемпионатының іріктеу кезеңінде Қазақстан мен Украина арасындағы матчта (2:2) төреші болған.
