Қазақстандық балуан Айша Әбдімәлік Әзірбайжанның Баку қаласында өтіп жатқан 17 жасқа дейінгі спортшылар арасындағы әлем чемпионатында финалға жолдама алып, алтын медаль үшін күресетін болды.
65 келіге дейінгі салмақ дәрежесінде сынға түскен Айша жартылай финалда Грекия өкілі Василики Каравануды сенімді жеңіп, шешуші белдесуге шықты.
Әлем чемпионатының финалында қазақстандық спортшы Моңғолия балуаны Ариунул Болдбаатармен кездесіп, чемпиондық атақты сарапқа салады.
Ал 49 келіге дейінгі салмақта ел намысын қорғап жүрген Аянат Мейнамбай қола медаль үшін белдеседі. Оның қарсыласы жұбаныш белдесулерінің қорытындысы бойынша анықталады.
