Футзалдан Қазақстан Бірінші лигасының кезекті маусымы аяқталып, чемпион анықталды.
Шешуші матчта Elorda клубы көкшетаулық Elim-ai командасын 5:1 есебімен жеңіп, турнирдің алтын жүлдесін иеленді.
Осы жеңістің арқасында Elorda келесі маусымда Қазақстан чемпионатында өнер көрсету құқығына ие болды.
Күміс жүлдегер атанған Elim-ai Премьер-лигаға шығу үшін «Шымкент» немесе «Жетысу» клубтарының біріне қарсы өтпелі матч өткізеді.
Ал қола медаль Атырау облысының MAQAT клубына бұйырды.
Бірінші лиганың үздіктері:
Үздік қақпашы — Қосекен Алтынбек (MAQAT)
Үздік қорғаушы — Имран Абдрахманов («Қайрат» U21)
Үздік шабуылшы — Батырхан Имашев (Elim-ai)
Үздік бапкер — Олжас Сүлейменов (Elorda)
Үздік ойыншы — Қуаныш Бегалин (Elorda)
