12–17 мамыр аралығында Алматы қаласында грек-рим, еркін және әйелдер күресінен Қазақстан кубогы ұйымдастырылады.
Аталған додаға еліміздің әр өңірінен 800-ден астам балуан қатысып, жүлделерді сарапқа салады.
Турнирге халықаралық ареналарда Қазақстан намысын қорғап жүрген тәжірибелі спортшылар да қатысады деп жоспарланып отыр. Басты мақсат – алдағы ірі жарыстарға ұлттық құраманы жасақтау және балуандардың дайындығын пысықтау.
Жарыс бағдарламасына сәйкес, алғашқы медальдар грек-рим күресінде ойнатылады. Одан кейін әйелдер күресінің өкілдері бақ сынайды. Ал турнирді еркін күрес балуандары қорытындылайды.
