Қазақстандық балуан Едіге Қасымбек Қырғызстанның Бішкек қаласында өтіп жатқан еркін күрестен Азия чемпионатында жүлдегер атанды.
125 келіге дейінгі салмақтағы қола медаль үшін өткен белдесуде ол қытайлық У Бухеердунға қарсы айқаста 8:7 есебімен жеңіске жетті.
Тартысты өткен белдесуде Қасымбек соңғы сәттерге дейін басымдық танытып, бір ұпай айырмасымен жеңісті өз пайдасына шешті.
Осылайша, қазақстандық балуан құрлық біріншілігін қола жүлдемен аяқтады.
