Ербол Хамитов Паралимпиада ойындарының чемпионы атанды

Қазақстандық спортшы Ербол Хамитов Италияда өтіп жатқан 2026 жылғы қысқы Паралимпиада ойындарында алтын медаль жеңіп алды.

Отандасымыз пара биатлон бағдарламасында топ жарып, 4,5 шақырымдық із кесу жарысында (отырып жарысу санаты) жеңіс тұғырының ең биік сатысына көтерілді.

Айта кетейік, бұған дейін Ербол Хамитов осы Паралимпиадада пара шаңғы жарысында қола медаль иеленген болатын. Осылайша қазақстандық спортшы жарыста екінші жүлдесін қоржынға салды.