Біріккен Араб Әмірліктерінің Фуджейра қаласында таеквондодан ірі халықаралық турнир жалғасып жатыр. Аталған жарыста Қазақстан құрамасы үш қола медаль еншіледі.
Ел намысын қорғаған Бахадыр Шапулатов (54 келіге дейін), Мақсат Орынбасар (74 келіге дейін) және Нұрлан Мырзабаев (87 келіге дейін) жүлде тұғырының үшінші сатысына көтерілді.
Айта кетейік, турнирге әлемнің 50 елінен келген таеквондошылар қатысып, жүлделер үшін тартысты бәсеке өткізуде. Қазақстандық спортшылардың бұл нәтижесі ұлттық құраманың халықаралық деңгейдегі тұрақты дайындығын тағы бір мәрте дәлелдеді.
