Астанада жеңіл атлетикадан жабық кешендегі Қазақстан чемпионаты өтеді

Астанада жеңіл атлетикадан жабық кешендегі Қазақстан Республикасының чемпионаты басталады. Маңызды республикалық бәсеке 9 қаңтарда старт алады.

Жарысқа еліміздің 18 өңірінен спортшылар қатысып, олардың қатарында ұлттық құраманың мүшелері де бар. Чемпионат барысында 31 медаль жиынтығы сарапқа салынады.

Бұл чемпионат алдағы халықаралық стартарға іріктеу ретінде өткізіледі. Қорытындысы бойынша үздік атанған спортшылар халықаралық деңгейдегі жарыстарға қатысатын құрамға қосылады.