Үндістанның Ахмедабад қаласында өтіп жатқан су добынан Азия чемпионатында Қазақстан әйелдер құрамасы топтық кезеңдегі соңғы кездесуін өткізді.
Қазақстандықтар Қытай құрамасымен кездесіп, 6:23 есебімен жеңіліс тапты. Соған қарамастан, ұлттық құрама топтық кезең нәтижесінде үш ұпай жинап, ширек финалға жолдама алды.
B тобында Қазақстан құрамасы алғашқы ойында Таиландқа 12:14 есебімен есе жіберген еді. Кейін Гонконг құрамасын 21:10 есебімен жеңіп, үшінші орынға ие болды.
