Олимпиада чемпионы Елдос Сметов Біріккен Араб Әмірліктерінің Абу-Даби қаласында өтетін дзюдодан Grand Slam турниріне қатысуы мүмкін.
Халықаралық дзюдо федерациясы (IJF) 29-31 қазан аралығында өтетін жарысқа тіркелген спортшылардың алдын ала тізімін жариялады. Оған Қазақстан ерлер құрамасының жеті дзюдошысы енген.
Қазақстан құрамасының алдын ала тізімі:
* 60 келі: Елдос Сметов, Талғат Орынбасар
* 66 келі: Ғұсман Қырғызбаев, Ақылжан Жұбатқанов
* 81 келі: Жалғас Қайролла
* 90 келі: Айдар Арапов
* 100 келі: Марат Байқамуров
Абу-Дабидегі «Үлкен дулыға» турнирі 29 қазанда басталып, 31 қазанда аяқталады.
Айта кетейік, жарияланған тізім алдын ала жасалғандықтан, жарыс басталғанға дейін Қазақстан құрамасының сапында өзгерістер болуы мүмкін.
