Қазақстан ұлттық құрамасы жолдастық матчта Венгрия құрамасына 1:3 есебімен есе жіберді.
Кездесу қазақстандықтар үшін сәтті басталды. Матчтың 9-минутында Сергей Малый мергендік танытып, Қазақстан құрамасын алға шығарды.
Алайда екінші таймда алаң иелері ойын тізгінін өз қолына алды. 52-минутта Доминик Собослаи есепті теңестірсе, араға 15 минут салып Андраш Шафер Венгрияны алға шығарды.
Қазақстан құрамасының жағдайын 63-минутта Максим Самородовтың қызыл қағаз алуы қиындата түсті. Сан жағынан басымдыққа ие болған венгриялықтар матчтың қосымша уақытында үшінші голын соқты. 90+3-минутта Бенце Тот кездесудің қорытынды есебін белгіледі.
Осылайша, Талғат Байсуфинов жаттықтыратын Қазақстан құрамасы маусым айындағы екінші жолдастық кездесуінде жеңіліске ұшырады.
Айта кетейік, бұған дейін қазақстандық футболшылар Армения құрамасымен 1:1 есебімен тең түскен болатын.
