Қазақстандық теннисші Анна Данилина Францияның Париж қаласында өткен «Ролан Гаррос» турнирінің әйелдер арасындағы жұптық сынында финалға дейін жетті.
Шешуші кездесуде Данилина сербиялық Александра Круничпен бірге америкалық Тэйлор Таунсенд пен чехиялық Катерина Синяковаға қарсы ойнады.
Финалдық матч екі сетке созылып, қарсыластардың пайдасына 6:2, 7:5 есебімен аяқталды. Осылайша, Данилина мен Крунич турнирдің күміс жүлдегері атанды.
