Вьетнамның Дананг қаласында күрес түрлерінен жастар арасындағы Азия чемпионаты басталды. Алғашқы жарыс күнінде грек-рим күресінің балуандары жүлделерді сарапқа салды.
Қазақстан құрамасы құрлық біріншілігін сәтті бастап, екі алтын, үш күміс және бір қола медаль жеңіп алды.
Азия чемпионы атанғандар:
- Айбек Айтбеков — 60 келіге дейін
- Ислам Евлоев — 97 келіге дейін
Күміс жүлдеге ие болғандар:
- Ибрахим Нұрмұхаммед — 72 келіге дейін
- Әлихан Дурсунов — 77 келіге дейін
- Джохар Узаров — 130 келіге дейін
Ал 82 келіге дейінгі салмақта Кирилл Минько қола медаль жеңіп алды.
Айта кетейік, жастар арасындағы Азия чемпионаты 1 маусымға дейін жалғасады.
