Бішкекте (Қырғызстан) өтетін күрес түрлерінен Азия чемпионатына қатысатын Қазақстан құрамасының алдын ала тізімі белгілі болды.
Құрлықтық дода 6–12 сәуір аралығында өтеді. Қазақстан сапында еркін, грек-рим және әйелдер күресі бойынша балуандар толық құрамда бақ сынайды.
Еркін күресте Азамат Дәулетбеков пен Болат Сақаев секілді тәжірибелі спортшылар ел намысын қорғайды.
Грек-рим күресінде Нұрсұлтан Тұрсынов пен Ислам Евлоев негізгі үміткерлер қатарында.
Әйелдер құрамасында Жәмилә Бақбергенова, Елена Шалыгина және Гүлмарал Еркебаева жүлде үшін таласады.
Айта кетейік, жарияланған тізім алдын ала болғандықтан, жарыс басталғанға дейін өзгерістер енгізілуі мүмкін.
