Моңғолияның Ұлан-Батыр қаласында өтетін бокстан Азия чемпионаты алдында жеребе тартылып, қазақстандық спортшылардың алғашқы қарсыластары анықталды.
Ерлер құрамасында Санжар Тәшкенбай, Махмұд Сабырхан және Нұрбек Оралбай сынды көшбасшылар өз салмақтарында басты үміткерлердің қатарында. Олар алғашқы кезеңде түрлі елдердің мықты боксшыларымен кездеседі.
Әйелдер арасында Римма Волосенко, Валентина Хальзова, Надежда Рябец және Дина Исламбекова алғашқы жекпе-жектерін өткізеді.
Жеребе қорытындысы бойынша қазақстандық боксшыларға Азияның түрлі елдерінен қарсыластар түсті. Бірқатар спортшы алғашқы айналымда бірден негізгі қарсыласын күтсе, енді бірі іріктеу жекпе-жектерінің жеңімпаздарымен жұдырықтасады.
Құрлықтық дода 30 наурыз бен 10 сәуір аралығында өтеді.
