Астанада Халықаралық Олимпиада күніне орай дене шынықтыру пәні мұғалімдеріне арналған дәріс өтті
Аталған іс-шараның серіктесі ретінде Ұлттық дене шынықтыру ғылыми-практикалық орталығы қолдау көрсетті.
Іс-шара барысында қатысушыларға олимпиадалық қозғалыстың тарихы, қазіргі құрылымы және ҚР ҰОК-нің негізгі қызметтік бағыттары жөнінде толық ақпарат берілді.
Сондай-ақ дәріс тақырыптарының қатарына ҰОК-нің білім беру бастамалары – семинарлар, біліктілікті арттыру дәрістері мен дене шынықтыру саласындағы мамандарға арналған ағартушылық бағдарламалар кірді.
«Өскелең ұрпаққа олимпиадалық құндылықтарды сіңіру — біздің басты бағыттарымыздың бірі. Бұл үдерісте мұғалімдердің рөлі ерекше.
Дәл осы ұстаздар балалардың спортқа, әділ ойынға, құрмет пен өзін-өзі жетілдіруге деген көзқарасын қалыптастырады», – деді ҚР ҰОК Спорт департаментінің директоры Бектұр Қиятбай.
Айта кетейік, бұл дәріс бұған дейін Астана мен Алматы қалаларындағы мектеп оқушыларына танымал қазақстандық спортшылардың қатысуымен өткен Олимпиадалық сабақтың жалғасы болды.
