Футболдан Қазақстан Премьер-лигасының 2026 жылғы маусымы мәресіне жетті. Соңғы, 30-турдың қорытындысы бойынша чемпионаттың жүлдегерлері мен бірінші лигаға түсетін командалар белгілі болды.
«Ордабасы» Қазақстан чемпионы атанды. Шымкенттік клуб ел біріншілігінің алтын медалін өз тарихында екінші рет жеңіп алды. Күміс жүлде «Қайратқа» бұйырса, үздік үштікті «Астана» түйіндеді.
Соңғы турда «Ордабасы» сырт алаңда «Ертістен» 0:2 есебімен жеңілді. «Қайрат» өз алаңында «Алтаймен» 1:1 есебімен тең ойнады. Ал «Астана» «Жетісумен» өткен кездесуде 2:2 нәтижесіне қол жеткізді.
Турдың ең нәтижелі ойындарының бірі «Тобыл» мен «Ақтөбе» арасында өтті. Тартысты кездесуде ақтөбеліктер 3:2 есебімен басым түсті. «Оқжетпес» сырт алаңда «Елімайды» 4:1 есебімен жеңсе, «Атырау» «Ұлытауды» 3:0 есебімен ұтты.
Маусым қорытындысында «Қайсар» мен «Жетісу» Премьер-лигадағы орындарынан айырылып, бірінші лигаға түсетін болды.
30-турдың барлық нәтижесі:
* «Жеңіс» – «Қайсар» – 2:1
* «Қайрат» – «Алтай» – 1:1
* «Ұлытау» – «Атырау» – 0:3
* «Ертіс» – «Ордабасы» – 2:0
* «Елімай» – «Оқжетпес» – 1:4
* «Жетісу» – «Астана» – 2:2
* «Тобыл» – «Ақтөбе» – 2:3
* «Каспий» – «Қызылжар» – 1:2
Осылайша, 2026 жылғы Қазақстан чемпионаты аяқталып, «Ордабасы» алтын, «Қайрат» күміс, «Астана» қола медаль иеленді.
