
1–7 желтоқсан аралығында Орал қаласында грек-рим, еркін және әйелдер күресінен ересектер арасындағы Қазақстан чемпионаты өтеді.
Ел біріншілігіне Қазақстанның барлық өңірінен балуандар қатысады. Олардың қатарында ұлттық құрама мүшелері де бар.
Жарыс барысында спортшылар жалпы 30 салмақ дәрежесінде сынға түсіп, Қазақстан чемпионы атағы үшін белдеседі. Үш күрес түрі бойынша ел үздіктері анықталады.
Биылғы чемпионаттың басты ерекшелігі – оның іріктеу мәртебесіне ие болуы. Турнир қорытындысы бойынша 2027 жылы Қазақстан ұлттық құрамасының сапына енетін балуандар анықталады.
Сондықтан Оралдағы жарыс спортшылар үшін ел чемпионы атанумен қатар, алдағы халықаралық жарыстарға қатысу мүмкіндігін иелену тұрғысынан да маңызды.
Қазақстан чемпионаты 1 желтоқсанда басталып, 7 желтоқсанда аяқталады. Осы уақыт аралығында грек-рим, еркін және әйелдер күресінің 30 салмақ дәрежесінде жүлделер сарапқа салынады.



