БАСҚАЛАРЫ

Ева Тациева жасөспірімдер Олимпиадасында көпсайыстан 15-орын алды

Қазақстандық гимнаст Ева Тациева Сенегал астанасы Дакарда өтіп жатқан IV жазғы жасөспірімдер Олимпиадасында спорттық гимнастикадан жекелей көпсайыстың финалында өнер көрсетті.

Отандасымыз төрт снаряд бойынша жаттығулар орындап, төрешілердің бағалауымен жалпы 47,432 ұпай жинады. Бұл нәтиже қазақстандық спортшыға 15-орын алуға мүмкіндік берді.

Әйелдер арасындағы жекелей көпсайыста ресейлік Полина Дмитриева жеңімпаз атанды. Ол төрт жаттығудың қорытындысында 54,665 ұпай жинап, алтын медаль иеленді.

Күміс жүлде Франция өкілі Луана Плюссонға бұйырды. Франциялық гимнаст 53,665 ұпай еншіледі. Ал Қытай спортшысы Ци Чжун 53,199 ұпаймен үздік үштікті түйіндеді.

Осылайша, Ева Тациева жасөспірімдер Олимпиадасының финалдық кезеңіне қатысып, көпсайыста 15-орынға тұрақтады.

Айта кетейік, Дакардағы жасөспірімдер Олимпиадасында спорттық гимнастикадан Қазақстан атынан Андрей Терман да өнер көрсетті. Ол ерлер арасындағы жекелей көпсайыстың іріктеу кезеңінде алты снаряд бойынша 69,199 ұпай жинағанымен, финалға өте алмады.

Басқа жаңалықтар

Back to top button